မြန်မာသူပုန်ထံ လက်နက်ရောင်းနေတဲ့ TigerArms ကုမ္ပဏီ ဖမ်းဆီးခံရ

 

ပြီးခဲ့တဲ့ရက်ပိုင်းက နယ်စပ်ဖြတ်ကျော် လက်နက်မှောင်ခို သယ်ဆောင်နေတဲ့ "TigerArms"ကုမ္ပဏီကို ထိုင်းရဲတပ်ဖွဲ့က ဖမ်းဆီးနိုင်ခဲ့ပါတယ်။

-

လက်နက်တွေကို ချင်းမိုင်ခရိုင်၊ မဲ့တဲန်နယ်စပ်၊ မဲ့ဟောင်ဆောင်နယ်စပ်နဲ့ တာ့ခ်ခရိုင်၊ မဲဆောက် နယ်စပ်ကနေ မြန်မာနိုင်ငံကို သယ်ဆောင်ခဲ့ တာဖြစ်ပါတယ်လို့ ထိုင်းရဲ တပ်ဖွဲ့ကို ကိုးကားပြီး မန်နေဂျာအွန်လိုင်း ထိုင်းသတင်းဌာနက ရေးသားဖေါ်ပြ ထားပါတယ်။

-

TigerArms ကုမ္ပဏီကခေါင်းဆောင်တချို့နဲ့ ထိုင်းနိုင်ငံသားမစ္စတာချိုင်းဖုန်းကျစ်တကောန် ဆိုသူကိုလည်း ဖမ်းဆီးနိုင် ခဲ့ကြောင်းထိုင်းရဲတပ်ဖွဲ့ကပြောပါတယ်။ ဖမ်းဆီးထားတဲ့အထဲမှာ TigerArms ကုမ္ပဏီက ခေါင်းဆောင်တချို့ပါဝင်တယ် ဆိုပေမယ့် ဘယ်သူဘယ်ဝါဖြစ်တယ် ဘယ်နှစ်ဦးကိုဖမ်းဆီးထားတယ်ဆိုတာကို တော့ထုတ်ဖေါ် ပြောကြားခြင်းမရှိပါဘူး။

-

လက်နက်ငယ် M4A1 ကာဘိုင်အများအပြား နဲ့ 79 မမ. ဗုံးသီးထည့်ပစ်ရတဲ့ M203 ပြောင်းတွေအပါအဝင် အနောက်တိုင်း စစ်သုံးနားကြပ်များ၊ စစ်ဦးထုပ်၊ ကင်မရာ၊ အပူပိုင်းပုံရိပ်ဖော်ဒရုန်းနဲ့ ကျည်ဆံ ခဲယမ်းမီးကျောက်များလည်း သိမ်းဆီးရမိခဲ့တယ်လို့ ရဲတပ်ဖွဲ့ကတာဝန်ရှိသူတွေပြောပါတယ်။ အရေအတွက်အတိအကျကိုတော့ထုတ်ဖေါ် ပြောကြားခြင်း မရှိပါဘူး။

-

မြန်မာနိုင်ငံကစစ်အစိုးရကို ဆန့်ကျင်တိုက်ခိုက်နေနဲ့ PDF နဲ့ ကရင်အမျိုးသားအစည်းအရုံး (KNU) တို့ကို အများဆုံး ပေးပို့ခဲ့တာဖြစ်တယ်လို့  TigerArms ကုမ္ပဏီက အဖမ်းခံရတဲ့ သူတွေကပြောကြားကြောင်းနဲ့ ၂၀၂၀ ခုနှစ်ကစပြီး တရားမဝင်လက်နက် မှောင်ခိုတွေကို အကြိမ်များစွာ သယ်ယူခဲ့ပြီးဖြစ်ကြောင်း အဖမ်းခံရသူတွေက ဝန်ခံပြောကြားခဲ့ကြောင်း ကိုလည်း ရဲတပ်ဖွဲ့ကတာဝန်ရှိသူတွေက သတင်းထောက်တွေကိုထုတ်ဖေါ်ပြောကြားသွားပါတယ်။

-

အခုဖမ်းဆီးရမိတဲ့လက်နက်တွေဟာ အမေရိကန်က ထုတ်လုပ်တဲ့ လက်နက်တွေဖြစ်ကြောင်း ကိုလည်းထိုင်းရဲတပ်က ပြောကြားပါတယ်။

-

Tiger Arms ကဲ့သို့သော လက်နက်ကုမ္ပဏီများသည် အမေရိကန် CIA နှင့် အစ္စရေး၏ မော့ဆက်တို့က ထိန်းချုပ်ထားသော ရှုပ်ထွေးသောနောက်ခံရှိကြောင်း လျှို့ဝှက်အစီရင်ခံစာများက ဖော်ပြကြပြီး အဓိကအားဖြင့် နယ်စပ်ဖြတ်ကျော် လက်နက် ရောင်းဝယ်ဖောက်ကားမှုတွင် ပါဝင်ပတ်သက်နေကြောင်း သိရှိရတယ်လို့လည်း မန်နေဂျာအွန်လိုင်း ထိုင်းသတင်းဌာနက ရေးသားဖေါ်ပြထားပါတယ်။

(mgronline)

KT